გამოცემა „ნოვაია გაზეტას“ მიერ გავრცელებულ ინფორმაციას ჩეჩნეთში ადამიანების მასობრივი დახვრეტის შესახებ ოფიციალური მოსკოვი კატეგორიულად უარყოფს. საგანგებო განცხადება კრემლის პრესმდივანმა გააკეთა. დიმიტრი პესკოვის თქმით, გამოცემა კერძო წყაროებს ეყრდნობა და არანაირი მტკიცებულება იმისა, რომ ჩეჩნეთში ადამიანები დახვრიტეს, არ არსებობს. „ნოვაია გაზეტას“ მიერ გავრცელებული ინფორმაციით, იანვარში ჩეჩენმა სამართალდამცველებმა 26 იანვრის ღამეს 27 ადამიანი დააკავეს და დახვრიტეს.
