საქართველოს პრემიერ-მინისტრის პრესსამსახური ნიკოლოზ გილაურის მიერ სავალუტო ფონდის შესახებ გაკეთებულ განცხადებასთან დაკავშირებით განმარტებებს აკეთებს.
როგორც ნიკო მჭედლიშვილმა ჟურნალისტებს განუცხადა, ბეჭდურ მედიაში გავრცელდა ინფორმაცია, თითქოს საქართველოს პრემიერი აცხადებს, რომ საერთაშორისო სავალუტო ფონდის კრედიტები ქვეყნისთვის ძალიან ძვირია.
"გილაურის დავალებით მინდა გავრცელებულ ინფორმაციასთან დაკავშირებით განმარტება გავაკეთო და გითხრათ, რომ ბეჭდურ მედიაში გავრცელებული მისი კომენტარი კონტექსტიდან არის ამოგლეჯილი. გილაური მიიჩნევს, რომ საერთაშორისო სავალუტო ფონდთან საქართველოს თანამშრომლობა ბოლო წლების განმავლობაში ძალიან წამატებულად ვითარდება", - აღნიშნა მჭედლიშვილმა.
მისი განცხადებით, პრემიერი დარწმუნებულია, რომ ეს თანამშრომლობა მომავალშიც ისევე წამატებით გაგრძელდება, როგორც ეს დღემდე ხდებოდა.
