შეერთებული შტატები კიბერუსაფრთხოების საკითხში რუსეთს არასდროს ენდობა. ამის შესახებ გაეროში ამერიკის მუდმივმა ელჩმა ნიკი ჰეილიმ განაცხადა.
„რა თქმა უნდა, კიბერუსაფრთხოების საკითხში რუსეთთან უნდა ვითანამშრომლოთ, თუმცა ეს იმას არ ნიშნავს, რომ რუსეთს უნდა ვენდოთ,“-აღნიშნა დიპლომატმა.
კიბერუსაფრთხოების თემაზე ჰამბურგში შეხვედრისას რუსეთისა და ამერიკის პრეზიდენტებმაც ისაუბრეს. პუტინმა ტრამპთან საუბრისას ამერიკის საპრეზიდენტო არჩევნებში რუსეთის ჩარევის ფაქტი კატეგორიულად უარყო.
