ცხინვალი კატეგორიულად უარყოფს ინფორმაციას იმის შესახებ, რომ თვითაღიარებული რესპუბლიკის ლიდერი ანატოლი ბიბილოვი ავარიაში მოყვა. საგანგებო განცხადება ბიბილოვის პრეს-მდივანმა დინა გასიევამ გააკეთა.
„პრეზიდენტი არანაირ ავარიაში არ მოყოლილა. მან დაასრულა ვიზიტი აფხაზეთში და დელეგაციასთან ერთად სახლში ბრუნდება. მცირე ავარიაში მოყვა ერთ-ერთი მანქანა, რომელიც კორტეჟის სიახლოვეს მოძრაობდა,“-აღნიშნა გასიევამ.
მანამდე სააგენტო "ინტერფაქსმა" გაავრცელა ინფორმაცია იმის შესახებ, რომ ავტოსაგზაო შემთხვევის გამო ბიბილოვი დაცვის ორ წევრთან ერთად სოხუმის კლინიკაში მოხვდა.
