უკრაინაში ჩამოგდებული MH17 რეისის თვითმფრინავის საქმეზე სასამართლო პროცესი ჰოლანდიაში გაიმართება. გადაწყვეტილება იმ ქვეყნებმა მიიღეს, რომლებიც ამსტერდამი-კუალა ლუმპურის ტრაგიკული რეისის საქმეს იძიებენ. პარლამენტში კენჭისყრის შემდეგ გადაწყვეტილება ორმა ჰოლანდიელმა მინისტრმა გაასაჯაროა. მათი თქმით, ყველაზე მნიშვნელოვანია დამნაშავეების პასუხისგებაში მიცემა. ბოინგი დონბასში 2014 წლის 17ივლისს ჩამოაგდეს, რის შედეგადაც ბორტზე მყოფი 298 ადამიანი დაიღუპა. საერთაშორისო საგამოძიებო ჯგუფის ანგარიშით, ლაინერი სეპარატისტების მიერ კონტროლირებადი ტერიტორიიდან „ბუკის“ დანადგარიდან გაშვებული რაკეტით ჩამოაგდეს. რუსეთი ტრაგედიასთან კავშირს უარყოფს.
