საუდის არაბეთის, არაბეთის გაერთიანებული ემირატების, ბაჰრეინისა და ეგვიპტის საგარეო საქმეთა მინისტრები დღეს კაიროში შეიკრიბებიან და კატართან ურთიერთობის სამომავლო გეგმას შეიმუშავებენ. შეხვედრის მიზეზი ოფიციალური დოჰას პოზიციაა. არაბულმა ქვეყნებმა კატარისთვის წაყენებულ ულტიმატუმზე პასუხი მიიღეს. 13-პუნქტიანი მოთხოვნების სია დოჰას 2 კვირის წინ გადასცეს. მოთხოვნების ჩამონათვალშია: ირანთან კონტაქტის გაწყვეტა, თურქული სამხედრო ბაზისა და ტელეკომპანია „ალ-ჯაზირას“ დახურვა. მოთხოვნების შესრულებას დოჰა შეუძლებლად მიიჩნევს.
