აშშ ჩრდილოეთ კორეის მხრიდან მორიგი რაკეტის გამოცდის ფაქტს გმობს და აცხადებს, რომ ვაშინგტონი საპასუხოდ მკაცრ ზომებს მიიღებს. სახელმწიფო დეპარტამენტში გამართულ ბრიფინგზე რექს ტილერსონმა აღნიშნა, რომ ფხენიანის მიერ მორიგი კონტინენტთაშორისი რაკეტის გამოცდა შეერთებული შტატებისა და მისი მოკავშირეებისთვის სერიოზულ საფრთხეს წარმოადგენს. მომხდარის გამო დღეს გაეროს უშიშროების საბჭოს საგანგებო სხდომაა დანიშნული.
