ინდოეთში 42 წლის ქალი ლინჩის წესით გაასამართლეს. ოტერა ბიბი შეზღუდული უნარებით დაიბადა და მშობლებთან ერთად ცხოვრობდა. სახლიდან ის ხშირად რამდენიმე დღით იპარებოდა და მეზობელ სოფლებში გადადიოდა. ერთ-ერთი ასეთი ვოიაჟისას ბიბი სოფლის მცხოვრებმა საკუთარ ქოხში შეიფარა, საიდანაც 10 წლის გოგონა გაუჩინარდა. სოფლის მცხოვრებლებმა ბიბის ბავშვის მოპარვა დააბრალეს და ლინჩის წესით გაასამართლეს. უნარშეზღუდულმა ქალმა მათ ვერ აუხსნა, რომ უდანაშაულო იყო. ის გააშიშვლეს. ხელ-ფეხი შეუკრეს, თმა გადაპარსეს და რამდენიმე საათის განმავლობაში აწამებდნენ. სასტიკად ნაცემი ქალი რეანიმაციის განყოფილებაში გარდაიცვალა.
