დონალდ ტრამპი მზადყოფნას გამოთქვამს, 10 თვის ბრიტანელ ჩარლი გარდს დაეხმაროს, რომელსაც სასამართლოს გადაწყვეტილებით, სულ მალე ხელოვნური სუნთქვის აპარატიდან გამორთავენ.
თეთრი სახლის განცხადებით, პრეზიდენტის ადმინისტრაციის წევრები ბავშვის მშობლებს უკვე დაუკავშირდნენ.
ჩარლის იშვიათი გენეტიკური დაავადება აღმოაჩნდა. ბრიტანელი ექიმების თქმით, ბავშვის მკურნალობა შეუძლებელია. ამერიკელი მედიკოსები კი მზად არიან პატარას ექსპერიმენტული თერაპიის კურსი ჩაუტარონ.
მკურნალობის დასაფინანსებლად მილიონ გირვანქა სტერლინგზე მეტი შეგროვდა, თუმცა ბრიტანულმა კლინიკამ სასამართლოს მიმართა, მოთხოვნით, ბავშვისთვის ხელოვნური სუნთქვის აპარატი მოეხსნათ. ადამიანის უფლებათა ევროპულმა სასამართლომ მოთხოვნა დააკმაყოფილა.
