ოკლაჰომას შტატის ქალაქ პოტოში პოლიციელმა 8 წლის ბიჭი იშვილა, რომელზეც მშობლები ფიზიკურად ძალადობდნენ და მუდმივად აშიმშილებდნენ. გამოცემა mirror-ის ინფორმაციით, ცოლ-ქმარს მეზობლებმა პოლიციაში უჩივლეს, რის შემდეგაც მათთან სამართალდამცველები მივიდნენ. პოლიციელ ჯოდი ტომპსონს სახლში შემზარავი სურათი დახვდა. ხელ-ფეხ-შეკრული ბავშვი მან ნაგვის ყუთში იპოვნა. ბავშვს სხეულის მრავლობითი დაზიანებები, სილურჯე და სისხლჩაქცევები აღენიშნებოდა. ბავშვს დახმარება საავადმყოფოში აღმოუჩინეს. ამის შემდეგ ტომპსონმა და მისმა მეუღლემ ბავშვი იშვილეს. „როდესაც პირველად დავინახე ბავშვი, მივხვდი, რომ ვერასდროს მივატოვებდი. ის ჩემი შვილია, ძლიერი და მამაცი. ახლა ის ძალიან კარგად სწავლობს და ამით ამაყი ვარ,“-აცხადებს პატარა ჯონის მამობილი.
