ყატარისთვის მიცემული ულტიმატუმის ვადა 48 საათით გახანგრძლივდა. ინიციატივა ქუვეიტს ეკუთვნის. რეგიონის ოთხი ქვეყანა, რომლებმაც ტერორიზმის მხარდაჭერის ბრალდებით ყატართან დიპლომატიური თანამშრომლბა შეწყვიტეს, ოფიციალური დოჰასგან 13 პუნქტიანი ულტიმატუმის შესრულებას, მათ შორის, ტელეკომპანია "ალ ჯაზირას" დახურვას, ირანთან თანამშრომლობის შეწყვეტას და ყატარის ტერიტორიაზე თურქული სამხედრო ბაზის დახურვას მოითხოვს. ულტიმატუმის დღეს იწურებოდა, თუმცა მის შესრულებაზე ყატარის ხელისულფება უარს აცხადებს. დოჰაში ამბობენ, რომ ულტიმატუმი ქვეყნის სუვერენიტეტს ლახავს.
