ერაყის სამთავრობო ძალებმა ისლამისტებისგან დასავლეთ მოსულის კიდევ ორი რაიონი გაწმინდეს. ამჯერად მათ კონტროლს ბაბ-ჯადიდისა და ალ-აბრიას რაიონები დაექვემდებარა. მოსულის გათავისუფლების ოპერაცია უკვე ერთი წელია, გრძელდება. მასში არმიის შენაერთებთან ერთად ქურთული რაზმები და კოალიციის ავიაციაც არის ჩართული. ამ დროისათვის ქალაქში „ისლამური სახელმწიფოს“ დაჯგუფების რამდენიმე ასეული მებრძოლი რჩება.
