ავსტრიის საკონსტიტუციო სასამართლომ პარლამენტის მიერ მიღებული გადაწყვეტილება, ბრაუნაუ-ამ-ინში მდებარე ჰიტლერის ბავშვობის სახლის სახელმწიფოსთვის გადაცემის შესახებ კანონიერად ცნო. სასამართლოში აპელაცია სახლის ყოფილ მფლობელს, გერლინდე პომერ-ანგლოხერს ჰქონდა შეტანილი. ავსტრიის ხელისუფლება ირწმუნება, რომ სახელმწიფოსთვის სახლის გადაცემა ერთადერთი საშუალებაა იმისათვის, რომ ის ნაცისტთა პლაცდარმად არ გადაიქცეს. არ არის გამორიცხული, სახელმწიფოს მფლობელობაში გადასვლის შემდეგ შენობის დემონტაჟი განხორციელდეს.
