რუსეთის თავდაცვის სამინისტრო ლუგანსკში რუსი სამხედრო მოსამსახურის დატყვევების ფაქტს უარყოფს. შოიგუს უწყების განცხადებით, ვიქტორ აგეევს შეიარაღებულ ძალებში კონტრაქტორად არასდროს უმსახურია. ინფორმაცია იმის შესახებ, რომ 22 წლის ვიქტორ აგეევი ლუგანსკში უკრაინელებმა ტყვედა იყვანეს, დღეს დილით გავრცელდა. როგორც უკრაინული მხარე აცხადებს, აგეევი რუსეთის შეიარაღებულ ძალებში 2017 წლის მარტიდან კონტრაქტორად მსახურებდა, რასაც მისი დედა და ნათესავებიც ადასტურებენ.
