მოსკოვი საფრანგეთის პრეზიდენტის ბრალდებას გამოეხმაურა. საგანგებო განცხადება კრემლის პრეს-მდივანმა გააკეთა. დიმიტრი პესკოვის თქმით, რუსული მხარე მაკრონის პოზიციას არ იზიარებს.
„ჩვენ არ ვეთანხმებით ჩვენს ფრანგ კოლებებს უკრაინაში განვითარებული პროცესების ფორმულირებასა და შეფასებაში. რუსული მხარე კვლავინდებურად მოთმინებით განაგრძობს რეალურ ვითარებაში გარკვევას და საკუთარი პოზიციის გამოხატვას. ამასთან, შექმნილი ვითარება არანაირად არ მოახდენს გავლენას ნორმანდიულ ფორმატზე, რადგანაც ეს უკრაინის კრიზისის დარეგულირებისთვის ერთადერთი, უალტერნატივო პლატფორმაა,“-აღნიშნა პესკოვმა.
მანამდე საფრანგეთის პრეზიდენტმა რუსეთი უკრაინის წინააღმდეგ ღია აგრესიაში დაადანაშაულა.
