უკვე ერთი კვირაა, იუტას შტატში ხანძარს ებრძვიან. ტყის მასივში გაჩენილმა ცეცხლმა 42 ათას აკრამდე ფართობი გაანადგურა. ხანძარმა დასახლებულ რაიონებშიც შეარწია. დამწვარია 12 საცხოვრებელი სახლი. სტიქიის ზონიდან რამდენიმე ოჯახის ევაკუაცია განხორციელდა. ინფორმაცია მსხვერპლის შესახებ არ გავრცელებულა. ხანძრის ლოკალიზებას 1200-ზე მეტი მეხანძრე ავიაციის დახმარებით ცდილობს.
