აშშ უმაღლესმა სასამართლომ ნაწილობრივ აღადგინა დონალდ ტრამპის ბრძანებულება საიმიგრაციო რეგულაციების გამკაცრების შესახებ, რომლის მიხედვითაც ექვსი მუსლიმური ქვეყნის მოქალაქეებს ვიზების მიცემაზე უარს ეტყვიან. ახალი რეგულაცია არ შეეხება იმ უცხოელებს, რომლებსაც მჭიდრო კავშირი აქვთ ამერიკულ ორგანიზაციებთან, ბიზნესთან და მოქალაქეებთან. სასამართლოს დადგენილებით, პრეზიდენტის მიერ მარტში გამოცემული ბრძანებულება წილობრივ აღდგება, ვიდრე უმაღლესი სასამართლო ბოლომდე არ დაასრულებს საქმის შესწავლას. მომდევნო მოსმენა ოქტომბერში გაიმართება.
