თბილისს ისრაელიდან ახალგაზრდების ჯგუფი „ისრაელის ახალგაზრდა ელჩები“ ეწვევა. 19 ივნისს ჯგუფს „ისრაელის სახლი“ (თავისუფლების მოედანი N4, მეორე სართული) უმასპინძლებს, სადაც გაიმართება შეხვედრა ქართველ სტუდენტებთან და დამამთავრებელი კლასის მოსწავლეებთან.
„ისრაელის ახალგაზრდა ელჩები“ ქვეყნებს სახელმწიფოს ეგიდით სტუმრობს და ჰასბარას (ისრაელის წარმოდგენა) ფარგლებში, აცნობს ნამდვილ ისრაელს, იმართება შეხვედრები ახალ თაობასთან, როგორც მომავალ ლიდერებთან.
ისრაელის ახალგაზრდა ელჩებმა წელს საქართველო აირჩიეს. 40-მდე ახალგაზრდა გაეცნობა ქნესეთის მხარდაჭერით საქართველოში მოქმედი ისრაელის სახლის, როგორც ჰასბარას საპილოტო პროექტის მიმდინარეობას, ქართველ ახალგაზრდებს გაუზიარებს მოსაზრებებს ისრაელ-საქართველოს მომავალ ურთიერთობებზე.
ისრაელის სახლი სტუმრებს გააცნობს, აგრეთვე, ინფორმაციას 27 ივნისს იერუსალიმში დაგეგმილი ღონისძიების შესახებ, რომელიც საქართველო-ისრაელის პირდაპირ კავშირებსა და ჰასბარას მნიშვნელობას მიეძღვნება.
ისრაელის სახლის ხელმძღვანელის, იციკ მოშეს თქმით, ისრაელის ახალგაზრდა ელჩების ვიზიტი ხელს შეუწყობს მხარეებს განსაკუთრებით კი ახალმა თაობას, რომ ერთმანეთი უკეთ გაიცნონ. ეს კი შექმნის კარგ საფუძველს, რომ მომავალი 25 წელი ქვეყნებს შორის პირდაპირი კავშირი არსებობდეს. ისრაელის სახლი კი გააგრძელებს ასეთი ვიზიტების მხარდაჭერას.