კატარის იზოლაციაში მოქცევა არაადამიანური საქციელია და ისლამურ ღირებულებებს ეწინააღმდეგება. ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა.
„ისეთი შთაბეჭდილება მრჩება, თითქოს კატარს სასიკვდილო განაჩენი გამოუტანეს. ის მეთოდები, რომელსაც დოჰას წინააღმდეგ იყენებენ, მიუღებელია. კრიზისი რაც შეიძლება მალე უნდა გადაიჭრას, რაშიც გადამწყვეტი როლი საუდის არაბეთმა უნდა ითამაშოს,"-აღნიშნა თურქეთის ლიდერმა.
არაბულმა ქვეყნებმა ყატარი ტერორიზმის მხარდაჭერაში გასულ კვირას დაადანაშაულეს და დოჰასთან დიპლომატიური ურთიერთობა შეწყვიტეს, რის გამოც ქვეყანა იზოლაციაში მოექცა.
