ვაშინგტონი ახლო აღმოსავლეთში ვითარების დესტაბილიზაციას უწყობს ხელს. ამის შესახებ ირანის უმაღლესმა ლიდერმა განაცხადა. აიათოლა ალი ჰამენეის მტკიცებით, ტერორისტული დაჯგუფებები რეგიონში სწორედ შეერთებულმა შტატებმა შექმნა.
„ვაშინგტონის განცხადებები იმის შესახებ, თითქოსდა ისინი ტერორიზმს ებრძვიან, მტკნარი სიცრუეა. ამერიკა ტერორისტებისა და ტერორიზმის მხარდამჭერი ქვეყანაა. ჩვენ მათთან ურთიერთობა არ გვსურს,“-აღნიშნა ირანის უმაღლესმა ლიდერმა.
