მიუნჰენის რკინიგზის ვაგზალზე დაკავებული თავდამსხმელი 37 წლის გერმანიის მოქალაქეა. ამის შესახებ გამოცემა „ფრანკფურტ ალგემაინე“ იტყობინება. თავდასხმა უნტერფერინგის ვაგზალზე დღეს დილით განხორციელდა. ახალგაზრდა მამაკაცს პოლიციელმა ქალმა საბუთები მოსთხოვა, რის შემდეგაც მამაკაცმა მას მატარებლიდან გადაგდება დაუპირა, შემდეგ კი სამართალდამცველს იარაღი წაართვა და ცეცხლი გახსნა. შედეგად, 26 წლის პოლიციელი ქალი თავის არეში დაიჭრა. ინციდენტისას კიდევ 3 ადამიანი დაშავდა. სამართალდამცველებმა თავდამსხმელის განეიტრალება შეძლეს. ის მძიმედ არის დაჭრილი. მიუნჰენის პოლიციაში უკვე განაცხადეს, რომ მომხდარს ტერორისტულ აქტად არ განიხილავენ.
