ძლიერ მიწისძვრას საბერძნეთში მსხვერპლი მოჰყვა. ამის შესახებ ლესბოსის კუნძულის მერმა სპიროს გალინოსმა განაცხადა. მისივე თქმით, სტიქიამ ლესბოსზე ერთი ადამიანი იმსხვერპლა, 10 კი დაშავდა. გარდაცვლილი საშუალო ასაკის ქალბატონია. 6,1 მაგნიტუდის მიწისძვრა ლესბოსისა და ხიოსის კუნძულებს შორის გუშინ შუადღისას დაფიქსირდა. შედარებით მცირე სიძლიერის ბიძგები ლესბოსზე რამდენჯერმე განმეორდა.
