იმ შემთხვევაში, თუ ქვეყნის ინტერესებს საფრთხე შეექმნება, თურქეთი შესაძლოა სირიის ქალაქ რაკას გათავისუფლების ოპერაციაში ჩაერთოს. ამის შესახებ თურქეთის პრემიერ-მინისტრმა ბიინალი ილდირიმმა განაცხადა. მისივე თქმით, თუ თურქეთი ჩათვლის, რომ ქურთული დაჯგუფებები ქვეყანას საფრთხეს უქმნიან, ადეკვატურ ზომებს მიიღებს.
ისლამური სახელმწიფოს დედაქალაქად წოდებული რაკას გათავისუფლების ოპერაცია უკვე რამდენიმე დღეა, გრძელდება. მასში ქურთული რაზმები არიან ჩართულნი. თურქეთს ქურთული პარტია „დემოკრატიული კავშირი“ ტერორისტულ ორგანიზაციად ჰყავს გამოცხადებული.
