საქართველოს ორი სეპარატისტული რეგიონის აფხაზეთისა და ე.წ. სამხრეთ ოსეთის ლიდერი _ სერგეი ბაღაფში და ედუარდ კოკოითი ივლისის მეორე ნახევარში ლათინური ამერიკის ქვეყნებში აპირებენ გამგზავრებას. ვენესუელასა და ნიკარაგუას მონახულების შემდეგ ე.წ. პრეზიდენტები კუბასაც მოინახულებენ. აღნიშნულ ინფორმაციას ოს სეპარატისტთა ლიდერი ედუარდ კოკოითი ადასტურებს.
"დიახ, ვგეგმავთ ვიზიტს ვენესუელაში, ნიკარაგუასა და კუბაში. ამჟამად მზადდება დოკუმენტების პაკეტი, რომელსაც ვიზიტის მსვლელობისას მოეწერება ხელი. აღნიშნული შეთანხმებები ორმხრივი ურთიერთობების გაღრმავებას ეხება", _ აცხადებს ოს სეპარატისტთა ლიდერი.
