უკრაინის მოქალაქეებისათვის ევროკავშირთან უვიზო მიმოსვლის რეჟიმი სავარაუდოდ 11 ივნისს ამოქმედდება. საკანონმდებლო აქტს ხელი ევროპარლამენტში საზეიმო ვითარებაში მოეწერა. დოკუმენტს ხელი მოაწერეს ევროპარლამენტის პრეზიდენტმა ანტონიო ტაიანიმ და ევროკავშირის თავმჯდომარე ქვეყნის, მალტის შინაგან საქმეთა მინისტრმა კარმელო აბელოიუმ. ცერემონიას ესწრებოდნენ უკრაინის პრეზიდენტი პეტრო პოროშენკო და ევროპარლამენტის მომხსენებელი მარია გაბრიელიც. დოკუმენტი ევროკავშირის ოფიციალურ გამოცემაში უახლოეს ხანებში გამოქვეყნდება და 20 დღეში ძალაში შევა.
