სამხრეთ კორეამ შეერთებულ შტატებს შესაძლოა ტაადის რაკეტსაწინააღმდეგო სისტემები დაუბრუნოს. ამის შესახებ მმართველი დემოკრატიული პარტიის თავმჯდომარემ ვუ ვონ სიკმა განაცხადა. მისივე თქმით, თუ რაკეტსაწინააღმდეგო კომპლექსები ქვეყანაში პროცედურული ნორმების დარღვევით განთავსდა, საკითხი დღის წესრიგში აუცილებლად დადგება. ტაადის სისტემები ამერიკელებმა სამხრეთ კორეაში აპრილში განათავსეს, რასაც ადგილობრივი მოსახლეობის პროტესტი მოჰყვა.
