უკრაინის პრეზიდენტის განკარგულება რუსული სოციალური ქსელებისა და საიტების დაბლოკვის შესახებ დღეიდან ამოქმედდა. ინტერნეტ-პროვაიდერებმა სოციალური ქსელები „ვკონტაკტე“ და „ოდნოკლასნიკები,“ ასევე, ჰოლდინგ „მაილ რუ გრუფის“და „იანდექსის“ საიტები დაბლოკეს. სანქციები ამოქმედდა, „ერ-ბე-კას,“ „ტე-ვე ცენტრის,“ „ტე-ენ-ტეს“ და რამდენიმე რუსული ტელეარხის წინააღმდეგაც. კიევის შავ სიაში მოხვდა 1228 ფიზიკური პირი და 468 კომპანია. უკრაინის ტერიტორიაზე აიკრძალა ე.წ. „გეორგიევსკის ლენტების“ ტარებაც. შესაბამის კანონპროექტს მხარი უმაღლესმა რადამ გუშინ დაუჭირა.
