თურქეთი ქურთებთან შეერთებული შტატების თანამშრომლობას არასდროს აღიარებს. ამის შესახებ თეთრი სახლის ლიდერთან შეხვედრის შემდეგ თურქეთის პრეზიდენტმა რეჯეფ თაიფ ერდოღანმა განაცხადა. მისივე თქმით, ახლო აღმოსავლეთში ტერორისტული ორგანიზაციების ადგილი არ არის. სირიელი ქურთების შეიარაღების განკარგულება დონალდ ტრამპმა 9 მაისს გასცა, რასაც ანკარის მხრიდან მწვავე რეაქცია მოჰყვა.
