კიევის მიერ რუსული კომპანიებისთვის სანქციების დაწესებას კრემლის პრეს-მდივანი გამოეხმაურა. დიმიტრი პესკოვის თქმით, მოსკოვი კიევს ადეკვატურ პასუხს გასცემს. „ვითარებას თვალს, რა თქმა უნდა, ყურადღებით ვადევნებთ და გარწმუნებთ, უკრაინული მხარის ქმედება პასუხგაუცემელი არ დარჩება. რაც შეეხება უკრაინული რესურსების შესაძლო დაბლოკვას, უკრაინას არ აქვს ძლიერი მედიარესურსები, რომლებიც რუსულენოვან სივრცეში პოპულარობით სარგებლობს,“-აღნიშნა პესკოვმა. პრეზიდენტ პოროშენკოს განკარგულებით, უკრაინაში დღეიდან რუსული ინტერნეტ-რესურსები და სოციალური ქსელები დაიბლოკა. შავ სიაში საიტები „ვკონტაკტე,“„ოდნოკლასნიკი,“ „მაილ რუ“ და „იანდექსიც“ მოხვდა.
