თურქეთის პრეზიდენტი შეერთებულ შტატებს სტუმრობს. რეჯეფ თაიფ ერდოღანი ვაშინგტონში მეუღლესთან ერთად ჩავიდა. დღეს მას თეთრ სახლში დონალდ ტრამპი უმასპინძლებს. მხარეები ორმხრივ ურთიერთობებზე, ტერორიზმთან ბრძოლასა და სირიის კრიზისზე ისაუბრებენ. საუბრის ერთ-ერთი მთავარი თემა იქნება ვაშინგტონის მიერ მიღებული გადაწყვეტილება, რომლის მიხედვითაც, პენტაგონი სირიაში ქურთ ამბოხებულებს იარაღით მოამარაგებს. ტრამპის განკარგულება თურქულმა მხარემ ვაშინგტონში ერდოღანის ვიზიტამდე გააპროტესტა.
