ჰაკერებმა „ვოლტ დისნეის“ ფილმი მოპარეს. ამის შესახებ ინტერნეტ-პორტალი „დედლაინი“ იტყობინება. გავრცელებული ინფორმაციით, კომპანიის სერვერზე განხორციელებული კიბერთავდასხმის შედეგად ჰაკერებმა „კარიბის ზღვის მეკობრეების“ მეხუთე ეპიზოდი „მკვდრები ზღაპრებს არ ყვებიან“ მოიპარეს და კომპანიას გამოსასყიდის სახით სოლიდურ თანხას სთხოვენ. ფილმის პრემიერა მომავალ კვირას უნდა გაიმართოს.
