ამერიკელი სენატორები დონალდ ტრამპისა და გამოძიების ფედერალური ბიუროს ყოფილი დირექტორის საუბრის ჩანაწერების გამოქვეყნებას მოითხოვენ. ჩარლზ შუმერის, ლინდსი გრემისა და მაიკლ ლის განცხადებით, თუ ასეთი ჩანაწერები არსებობს, ისინი აუცილებლად უნდა გასაჯაროვდეს. გასულ კვირას თეთრი სახლის ლიდერმა ჯეიმს კომის გაფრთხილება მისცა. მან ეფ-ბი-აის ყოფილ დირექტორს საუბრის ჩანაწერების გასაჯაროებისგან თავის შეკავება ურჩია. კომი ტრამპმა თანამდებობიდან 9 მაისს გადააყენა. მიზეზად მან ეფ-ბი-აის დირექტორის არაკომპეტენტურობა დაასახელა.
