ამერიკისა და სამხრეთ კორეის სპეცსამსახურები კიმ ჩენ ინზე თავდასხმას გეგმავდნენ. განცხადებას ოფიციალური ფხენიანი ავრცელებს. გავრცელებული ინფორმაციით, ჩრდილოეთ კორეის უმაღლეს ხელისუფალთა სალიკვიდაციოდ მზვერავთა სპეციალური ჯგუფი იყო გამოყოფილი, რომელიც ქიმიური და ბიოლოგიური იარაღის გამოყენებას აპირებდა. ფხენიანი იმ პირების დაკავებასა და გადმოცემას ითხოვს, ვინც თავდასხმის დაგეგმვაში იღებდა მონაწილეობას.
