ევროკავშირთან უვიზო რეჟიმის ამოქმედებით უკრაინა რუსეთს საბოლოოდ გაეყრება. ამის შესახებ ქვეყნის პრეზიდენტმა პეტრო პოროშენკომ განაცხადა.
„უკრაინამ საბოლოოდ გააფორმა რუსეთთან განშორების ხელშეკრულება. საუბარია არამხოლოდ უვიზოდ მოგზაურობაზე, არამედ იმაზე, რომ უკრაინა თავის ისტორიულ ადგილს უბრუნდება,“-აღნიშნა პოროშენკომ.
უკრაინისთვის უვიზო რეჟიმის ამოქმედებას გუშინ მხარი ევროკავშირის საბჭომ დაუჭირა. ტექნიკური პროცედურების გავლის შემდეგ უვიზო რეჟიმი უკრაინის მოქალაქეებისთვის 11 ივნისიდან ამოქმედდება.
