ბრიტანეთის ლეიბორისტულ პარტიაში განხეთქილებაა. ამის შესახებ გამოცემა "ტელეგრაფი" წერს. გავრცელებული ინფორმაციით, იმ შემთხვევაში, თუ 8 ივნისის არჩევნებში კონსერვატორები გაიმარჯვებენ და პარლამენტში უმრავლესობით შევლენ, ლეიბორისტულ პარტიას 100-მდე წევრი დატოვებს და ქვედა პალატაში ახალ ფრაქცას შექმნის, სახელწოდებით „პროგრესისტები.“ ლეიბორისტებთან პროგრესისტები მხოლოდ იმ შემთხვევაში გაერთიანდებიან, თუ პარტიის მოქმედი ლიდერი ჯერემი კორბინი პოსტს დატოვებს. მის შემცვლელად დან ჯარვისის, ივეტ კუპერისა და კირ სტარმერის კანდიდატურებს განიხილავენ.
