2017 წლის იანვრიდან დღემდე ხმელთაშუა ზღვის გავლით ევროპაში 49 ათასზე მეტი იმიგრანტი გადავიდა. ამის შესახებ მიგრაციის საერთაშორისო ორგანიზაცია იტყობინება. ამავე სტატისტიკით, ევროპის სანაპიროებამდე მიღწევის მცდელობისას 1300-მდე ადამიანი დაიღუპა. იმიგრანტთა ყველაზე დიდი ნაწილი იტალიაზე მოდის, რომლის საზღვარიც 41 ათასამდე ადამიანმა გადაკვეთა. 5 ათასზე მეტი ლტოლვილი საბერძნეთმა, 2,5 ათასამდე კი ესპანეთმა მიიღო.
