არგენტინის ეროვნული ნაკრებისა და კატალონიური ბარსელონას ლიდერის, ლიონელ მესის ორეული ირანის პოლიციამ დააკავა. ინციდენტი ქალაქ ჰამადანში მოხდა. რეზა პარასტეშთან სელფების გადაღების მსურველი იმდენად ბევრი იყო, რომ ქუჩაში მოძრაობა შეფერხდა. სამართალდამცვალებმა ეს საზოგადოებრივი წესრიგის დარღვევად ჩათვალეს და მესის ორეული დააკავეს. 25 წლის რეზა ირანში პოპულარული მას შემდეგ გახდა, რაც ბარსას ფორმაში გადაღებული ფოტოები გამოაქვეყნა. მესის ის გაჭრილი ვაშლივით ჰგავს.
