საფრანგეთის საპრეზიდენტო არჩევნების მეორე ტურში გამარჯვებას ემანუელ მაკრონის მხარდამჭერები მთელი ღამე ზეიმობდნენ. გამარჯვებულმა კანდიდატმა მათ სიტყვით ლუვრის მოედანზე მიმართა. მაკრონმა პირობა დადო, რომ მომავალი 5 წლის განმავლობაში ევროპის ერთიანობისთვის იბრძოლებს. „დღეს ჩვენ გავიმარჯვეთ. გაიმარჯვა საფრანგეთმა. ის, ვისაც ამის არ სჯეროდა, უბრალოდ, საფრანგეთს არ იცნობს,“-აღნიშნა მაკრონმა.
