მგზავრზე ძალადობის გამო, ავიაკომპანია United Airlines-ის ხელმძღვანელობამ აშშ-ის სენატში ბოდიში მოიხადა. ავიაკომპანიის პრეზიდენტმა და ჩიკაგოს საავიაციო დეპარტამენტის ხელმძღვანელმა, ამერიკის სენატში იმ შემზარავი ინციდენტისთვის ბოდიში მოიხადეს, რომელიც რამდენიმე კვირის წინ, United-ის თვითმფრინავიდან მგზავრის - დევიდ დაოს ძალით ჩაყვანასა და მის დაშავებას ეხებოდა.
„ჩვენმა ავიაკომპანიამ საზოგადოების ნდობა დააზარალა. ასეთი ინციდენტი არასდროს უნდა მომხდარიყო. კიდევ ერთხელ ვუხდი ბოდიშს ექიმ დაოს, მის ოჯახს, ყველა მგზავრს, რომელიც რეისზე იმყოფებოდა, ყველა ჩვენს მომხმარებელსა და თანამშრომელს მთელი მსოფლიოს მასშტაბით. ასევე, ვწუხვარ ამ ფაქტთან დაკავშირებით კომპანიის არაადეკვატურ რეაგირებაზე”, - განაცხადა United Airlines-ის პრეზიდენტმა.
ორიოდე თვის წინ, სოციალურ ქსელში გავრცელდა ვიდეო, სადაც ჩანს როგორ გაყავთ იძულებით ავიაკომპანია United Airlines-ის თანამშრომლებს ერთ-ერთი მგზავრი.
კადრები რეისის ერთ-ერთმა მგზავრმა გადაიღო. სკანდალური შემთხვევა ჩიკაგო-კენტუკის რეისზე მოხდა.
როგორც მოგვიანებით გაირკვა, კომპანიამ თვითმფრინავში არსებულ ადგილებზე მეტი ბილეთი გაყიდა. საკუთარი თანამშრომლებისთვის, რომლებიც მეორე დღეს სამსახურში უნდა გასულიყვნენ ადგილი არ დარჩა და გამოსავალი მგზავრების ჩამოსმით იპოვა. კომპანია შეეცადა ოთხი მოხალისე ეპოვნა, რომელიც საკუთარ ადგილს დაუთმობდა თანამშრომლებს, თუმცა საკუთარ რეისზე უარის თქმა არცერთ მგზავრს არ მოუნდა, რის შემდეგაც კომპანიის თანამშორმლებმა თვითნებურად აარჩიეს მგზავრები და ძალით დაატოვებინეს ადგილი
ასეთები კი ერთ-ერთ მგზავრი აზიური წარმომავლობის ექიმი და მისი მეუღლე აღმოჩნდნენ. მათგან ადგილის დათმობაზე უარის თქმის შემდეგ, ოთხმა თანამშრომელმა მამაკაცი სალონიდან ძალის გამოყენებით გაიყვანეს. მას ხელებსა და ფეხებში მოკიდეს ხელი და თვითმფრინავიდან, პრაქტიკულად, გააგდეს. ინციდენტის შედეგად ექიმმა სხეულის დაზიანება მიიღო. სკანდალური კადრების ინტერნეტით გავრცელების შემდეგ კომპანია "იუნაითიდ ეარლაინმა" ბოდიში მოიხადა.
