მოსკოვი ვარშავისგან განმარტებებს ითხოვს. საგანგებო განცხადება პოლონეთში რუსეთის საელჩომ მას შემდეგ გააკეთა, რაც რუსი ბაიკერი ქვეყნის ტერიტორიაზე არ შეუშვეს. ნიკოლაი ლოგინოვი ქალაქ მისლოვიცაში დააკავეს და უახლოეს ხანებში ქვეყნიდან გააძევებენ. ბაიკერს შესაძლოა შენგენის ვიზაც გაუუქმონ. ლოგინოვი 9 მაისისადმი მიძღვნილ მოტორბოლაში იღებდა მონაწილეობას, რომელსაც რუს ბაიკერთა დაჯგუფება „ღამის მგლები“ მართავს.
