ვენესუელაში საპროტესტო აქციაზე კიდევ ერთი ადამიანი დაიღუპა. 17 წლის ახალგაზრდა კარაკასში სამართალდამცველებთან შეტაკებას ემსხვერპლა. მასობრივი არეულობების შედეგად 160-ზე მეტი ადამიანი დაშავდა. საპროტესტო აქციები ვენესუელაში უკვე ერთი თვეა, გრძელდება. ოპოზიცია პოლიტპატიმრების გათავისუფლებას და ვადამდელ არჩევნებს ითხოვს. პრეზიდენტი მადურო კი ოპოზიციით დაკომპლექტებული პარლამენტის დათხოვნას და ალტერნატიული ორგანოს შექმნას აპირებს.
