ბრიტანეთის პრემიერ-მინისტრმა დედოფალს პარლამენტის დათხოვნა სთხოვა. ამის მიზეზი მოახლოვებული საყოველთაო არჩევნები გახდა.
„დედოფალს საკანონმდებლო ორგანოს დათხოვნა ვთხოვე, რასაც ცერემონიალური პროტოკოლი ითვალისწინებს. 36 დღეში ქვეყანა ახალ მთავრობას და პრემიერ-მინისტრს აირჩევს,“-განაცხადა ტერეზა მეიმ.
თავის მხრივ, ელიზაბეტ მეორემ პრემიერს ე.წ. „სამეფო დეკლარაცია“ გადასცა, რომელშიც პარლამენტის დათხოვნისა და არჩევნების თარიღია მითითებული.
არჩევნები ბრიტანეთში 8 ივნისს არის დანიშნული, 25 სამუშაო დღით ადრე კი პარლამენტმა მუშაობა უნდა შეწყვიტოს.
