გერმანიის თავდაცვის მინისტრმა აშშ-ში დაგეგმილი ვიზიტი ბუნდესვერში აგორებული სკანდალის გამო გადადო. საქმე გერმანიის არმიის ოფიცერს ეხება, რომელიც ტერაქტის მზადების ბრალდებით გასულ კვირას დააკავეს. ის თავს სირიელ დევნილად ასაღებდა და თევშესაფარს კი ითხოვდა. სკანდალური საქმის გამოძიებას გერმანიის თავდაცვის მინისტრმა ურსულა ფონ დერ ლაიენმა ამერიკულ ვიზიტზე მეტად პრიორიტეტული უწოდა. აღსანიშნავია, რომ სკანდალის გამო მინისტრი საზოგადოების მკაცრი კრიტიკის ობიექტი გახდა.
