ჰილარი კლინტონი საპრეზიდენტო არჩევნებში დამარცხების მიზეზებზე საუბრობს. ვრცელი ინტერვიუ მან ტელეკომპანია CNN-ს მისცა. ყოფილმა საპრეზიდენტო კანდიდატმა განაცხადა, რომ წაგების მიზეზი რუსი ჰაკერებისა და გამოძიების ფედერალური ბიუროს ხელმძღვანელის, ჯეიმს კომის ერთობლივი ქმედების შედეგია. მისივე მტკიცებით, რუსმა ჰაკერებმა ტრამპის სასარგებლოდ იმოქმედეს. ამას ჯეიმს კომის გადაწყვეტილებაც დაემატა, რომელმაც ელექტრონული ფოსტის სკანდალური საქმის ხელახალი გამოძიება არჩევნებამდე ცოტა ხნით ადრე გადაწყვიტა.
