სოციალური ქსელების მომხმარებლებმა ოპოზიციის ლიდერ ალექსეი ნავალნიზე თავდამსხმელები ამოიცნეს. ვრცელდება ინფორმაცია, რომ ერთ-ერთი მათგანი რადიკალური მოძრაობა „სერბის“ აქტივისტი ალექსეი კულაკოვია. ეჭვმიტანილი აცხადებს, რომ თავდასხმისას შემთხვევის ადგილას მართლაც იმყოფებოდა, თუმცა თავდასხმაში მონაწილეობა არ მიუღია. ნავალნის თავს 27 აპრილს დაესხნენ და სახეში ბრილიანტის მწვანე შეასხეს, რის გამოც თვალის მძიმე დამწვრობა მიიღო.
