ირანის უმაღლესი ლიდერი პრეზიდენტს აკრიტიკებს. აიათოლა ალი ჰამენეის განცხადებით, ის, რომ ირანი ომის საშიშროების წინაშე აღარ დგას, როუჰანის ადმინისტრაციის დამსახურება არაა. „ბევრი ფიქრობს, რომ ხელისუფლებაში მისი მოსვლით ირანმა ომის საფრთხე თავიდან აიცილა, მაგრამ ეს არა პრეზიდენტის, არამედ ირანელი ხალხის დამსახურებაა,“-აღნიშნა ირანის უმაღლესმა ლიდერმა. საპრეზიდენტო არჩევნები ირანში 19 მაისს ჩატარდება.
