ციმბირში სტიქიას ებრძვიან. ტყის მასივში ხანძარმა ბოლო ერთი კვირის განმავლობაში ათასობით ჰექტარი ფართობი გაანადგურა. ყველაზე დიდი ზარალი სტიქიამ ირკუტსკისა და ბურიატიის ოლქებს მიაყენა, სადაც ხანძარმა დასახლებულ რაიონებში შეაღწია. დამწვარია 100-მდე საცხოვრებელი სახლი. ინფორმაცია მსხვერპლის შესახებ არ გავრცელებულა. ხანძრის სალიკვიდაციო სამუშაოებში 7 ათასზე მეტი ადამიანი და 2 ათასი ერთეული ტექნიკაა ჩართული.
