დონალდ ტრამპის ადმინისტრაციის პოლიტიკის წინააღმდეგ ვაშინგტონსა და ქვეყნის დიდ ქალაქებში აქციები გაიმართა. ორგანიზატორებმა საპროტესტო მსვლელობები ტრამპის პრეზიდენტობის მე-100 დღეს დაამთხვიეს. ტრამპმა ჯერ კიდევ საარჩევნო კამპანიისას განაცხადა, რომ გააუქმებდა 2016 წლის პარიზის შეთანხმებას, რომელიც კლიმატის ცვლილებების წინააღმდეგ ბრძოლის გააქტიურებას ითვალისწინებს. პრეზიდენტობის პირველ 100 დღეში ტრამპმა კლიმატის ცვლილებებთან საბრძოლველად ბარაკ ობამას მიერ მიღებული ყველა ზომა გააუქმა.
