არამხოლოდ მუსლიმ ქალებს, არამედ ყველა ქალს შეუძლია თავსაბურავის ტარება, - ამის შესახებ ავსტრიის პრეზიდენტმა ალექსანდერ ვან დერ ბელენმა განაცხადა.
მისი თქმით, თავისი ქვეყნის ქალების მიერ თავსაბურავის ტარება, ეს არის როგორც სოლიდარობის ნიშანი იმათთვის, ვინც მას რელიგიური თვალთახედვით ატარებს.
პრეზიდენტმა სკოლის მოსწავლეებთან შეხვედრისას ასევე დასძინა, რომ „რა თქმა უნდა, ყველა ქალმა უნდა ჩაიცვას ისე როგორც მას სურს - ეს უბრალოდ ჩემი აზრია ამ საკითხთან დაკავშირებით“.
„არამხოლოდ მუსლიმ ქალებს, არამედ ყველა ქალს შეუძლია თავსაბურავის ტარება, და თუ მსოფლიოში გავრცელებული ისლამოფობია გაგრძელდება, დადგება დღე, როდესაც ყველა ქალს ვთხოვთ თავსაბურავის მოხვევას - აბსოლუტურად ყველას! - როგორც სოლიდარობის ნიშანი იმათთვის, ვინც მას რელიგიური თვალთახედვით ატარებს“, - განაცხადა ავსტრიის პრეზიდენტმა.
