ვენეცია ტურისტების სიმრავლეს ვეღარ უძლებს. ადმინისტრაციული აღმასრულებელი ორგანოს, ჯუნტას გადაწყვეტილებით, ქალაქის შესასვლელებთან ტურისტთა რაოდენობის ასაღრიცხად სპეციალური აპარატები უნდა დაიდგას. პარალელურად, საერთაშორისო საინფორმაციო კამპანია უნდა დაიწყოს, რომელიც ტურისტებს ქალაქში არსებულ ვითარებას გააცნობს. გამოქვეყნდება კონკრეტული თარიღებიც, რომლის პერიოდშიც ტურისტებს ვენეციაში გამგზავრებისგან თავის შეკავებას ურჩევენ. გასული წლის მარტში აღდგომის დღესასწაულზე ვენეციას 300 ათასზე მეტი ტურისტი ესტუმრა, მაშინ, როდესაც ქალაქის მოსახლეობა 270 ათასს არ აღემატება.
